JAVA GLOBALE E SIPËRMARRJES

Në panelin e parë me pjesëmarrës Z. Lorenc Çala drejtor i Qendrës së Inovacionit të Sigurisë dhe Mbrojtjes, Znj. Blerina Çarçani eksperte pranë Qendrës, Znj. Edisa Theodhori eksperte pranë Qendrës dhe përfaqësues të bashkëpunëtorëve të Qendrës u diskutua mbi mundësitë që i ofron qendra sipërmarrjes shqiptare që të përfItojnë nga iniciativa të ndryshme të zhvilluara nga institucionet e NATO-s të cilat mbështesin zhvillimet e reja teknologjike që ndihmojnë në ruajtjen e paqes dhe sigurisë së vendeve të aleancës. Gjithashtu u diskutua mbi mbështetjen e qendrës kundrejt sipërmarrjes nga pikëpamja ligjore dhe perspektivat e tjera atraktive për të qenë pjesë e tregut të sigurisë dhe mbrojtjes.

Në panelin e dytë me pjesëmarrës zëvendësministrin e Mbrojtjes Z. Dorian Tola, Gjeneralbrigade Ylli Pulaj, drejtorin e Qendrës së Inovacionit të Sigurisë dhe Mbrojtjes Z. Lorenc Çala, Kolonel në rezervë Dilaver Hoxha të cilët paraqitën nismat që janë ndërmarrë në lidhje me rivitalizimin e Industrisë Ushtarake në Shqipëri dhe gjithë potencialin që kjo industri ofron për sipërmarrjen.