Qendra e Inovacionit të Sigurisë dhe Mbrojtjes zhvillon brenda vendndodhjes ku ushtron aktivitetin, mjedisin e dedikuar për “Fab Lab - laborator fabrikimi dixhital”.

Fab Lab ka për qëllim:

a. Mbështetjen e sipërmarrjeve, startup-eve individëve dhe ekosistemit të startup-eve në tërësi me qëllim intensifikimin e inovacionit në fushën e sigurisë dhe mbrojtjes duke vendosur në dispozicion mjetet dhe fab lab-in sipas mënyrave dhe formave të cilat miratohen me akt të veçantë nga Qendra e Inovacionit të Sigurisë dhe Mbrojtjes.

b. Ofrimin e shërbimeve për industritë ekzistuese, komunitetin lokal, mbështetjen e R&D (kërkim-zhvillim) në fushën e sigurisë dhe mbrojtjes sipas programeve të miratuara me akte të veçanta nga Qendra e Inovacionit.

c. Nxitjen e zgjidhjeve inovative mbi sipërmarrjen, shërbimet, sfidat e adresuara nga Forcat e Armatosura, apo palë të treta të cilat lidhen me fushën e sigurisë dhe mbrojtjes.

Fab Lab krijohet edhe me qëllimin e gjenerimit të të ardhurave, por pa u kufizuar në formën e tarifave të anëtarësimit, tarifave të shërbimit, përdorimit publik etj, të cilat do të jenë transparente për publikun.

Aktualisht Qendra e Inovacionit të Sigurisë dhe Mbrojtjes ofron një Fab Lab me disa pajisje, për të cilin po punohet në lidhje me shtimin e pajisjeve dhe teknologjive më të reja, që të vijë sa më pranë nevojave të përdoruesve të cilët do ta shfrytëzojnë këtë hapësirë.