mbrojtje
Nxitja e inovacionit dhe të gjitha proceset e lidhura me të nëpërmjet mbështetjes, monitorimit e vlerësimit të programeve, teknologjisë dhe projekteve që i përkasin fushës së sigurisë dhe mbrojtjes.
Qendër Inovacioni e cila ndez një revolucion në siguri dhe mbrojtje, të nxitur nga krijimtaria e pakufijshme dhe shpirti inovativ i brezave. Mendjet e ndritura, të mbështetura me mentorim, bashkëpunojnë si startup-e të guximshme që zhvillojnë zgjidhje novatore edhe me anë të IA për sfidat e sigurisë dhe mbrojtjes së vendit tonë.
Në panelin e parë me pjesëmarrës Z. Lorenc Çala drejtor i Qendrës së Inovacionit të Sigurisë dhe Mbrojtjes, Znj. Blerina Çarçani eksperte pranë Qendrës, Znj. Edisa Theodhori eksperte pranë Qendrës dhe përfaqësues të bashkëpunëtorëve të Qendrës u diskutua mbi mundësitë që i ofron qendra sipërmarrjes shqiptare që të përfItojnë nga iniciativa të ndryshme të zhvilluara nga institucionet e NATO-s të cilat mbështesin zhvillimet e reja teknologjike që ndihmojnë në ruajtjen e paqes dhe sigurisë së vendeve të aleancës. Gjithashtu u diskutua mbi mbështetjen e qendrës kundrejt sipërmarrjes nga pikëpamja ligjore dhe perspektivat e tjera atraktive për të qenë pjesë e tregut të sigurisë dhe mbrojtjes.
Qendra e Inovacionit të Sigurisë dhe Mbrojtjes në kuadër të muajit tetor, si Muaji i Ndërgjegjësimit për Sigurinë Kibernetike, në bashkëpunim me Raiffeisen Bank Albania organizuan CyberFrontiers. Ky event është një dëshmi e për të qëndruar gjithmonë një hap përpara për të ofruar sigurinë dhe besimin e nevojshëm për klientët tanë.
Sot shënon fillimin e konferences 2-ditore BalkanSecure 2.0, një ngjarje që po bëhet me shpejtësi një gur themeli në përpjekjet për të përmirësuar sigurinë kibernetike në të gjithë Ballkanin Perëndimor. E organizuar këtë vit në Shqipëri, në ambientet e Qendrës së Inovacionit, Sigurise dhe Mbrojtjes, BalkanSecure 2.0 është ngritur mbi suksesin e edicionit të parë të vitit të kaluar të këtij eventi, i cili u mbajt në Prishtinë. Kjo nismë organizohet se bashku me Sense Cyber Research Center, Chevening Alumni Kosovo, dhe Qendra e Inovacionit të Sigurisë dhe Mbrojtjes, me mbështetje nga Chevening Alumni Programme dhe Foreign Commonwealth and Development Office (FCDO) të Mbretërisë së Bashkuar.
